Monday, April 21, 2014

Hanv Konnachich Ninda Korinam

Jackson Dias

Jem kitem hanvem kalakaram voir boroilam ji tannim kala kelea ti. Kalakar te kalakar. Zorui tor khuincheach kalakarak vaitt sonvoim asa zalear tem mhaka poddonk nam. That is their private life. Zorui tor kalakarani mhojer vaitt uloilam zaleaui tem mhaka poddonk nam. Zaite kalakar vaitt vaitt sonvoiank lagon torne piraier sonvsar soddun gele. Zunvemkaruch kiteak? Fanki (professional) kalakar palkacher gitam gavun dusreank dekh ditat punn apunn vevharant ghalinant.

Kala ek asta ani rajkaronn dusrem asta. Jedna hanvem rajkaronna voir boroilam tedna hanvem nixed marla. Mhojer kiteim vaitt uloilear hanv gheun bosonam. Zaitea zannachea pottant chabta. Vell pautoch hanv tuka vakhanddtolom. Hanvem zaitem boroupachem asa songitkaram voir, khelgoddeam voir. Kalakarancho lekh mhunntoch hanvem kala borounchi poddta.

Hanv khuincheach bhurgeank direct mhoje CD/VCDcher ghalchonam. Bhurgeank Agostache 15ver vo ganvant kariavoll zata tantunt apli kala dakhounk zai. Soglleam lagim gitam gaunk zata oxem nam. Tanchean “acting” korunk zata. Bexttoch neson bhonvlear hero/heroine zainam. Handsome is what handsome does. One is beautiful through one’s actions.  CDcher gitam gailear zainam – palkar gaunk zai. Thodde nanv ditat punn vellar palkar gainant.

Palkar git gaupachi poili toieari korunk zai. Kaim zann tin-chear gitam gaupak sodtat punn akhrek visortat. Kaim fanki (professional) gaupi gitam visortat punn te visorlele disonant – bexttech lett-fett kortat. Zunvear gitam ghoddpi zaite zann asat. Tumcheani tanche lagchean gitam xikuietat. Gitam gaita tedna cumpasso (rhythm) asta. Sarko cumpasso nam zalear magir lok oxem mhunnta, “Falto do cumpasso”.

Kaim zannani mhojem “Honrad Ami Zunvemkar” git ghonxttilam ani bhoxttailam.

Hanvem “Illustrious Bhenddekar” lekh boroilolo to internetacher asa ani St. Estevam Sports Club-hachea souveniracher xapun ailo 2011 vorsa. To konnem mhoje porvange xivai aplea blogacher ghatla ani nanv dilam “Pe. Mestre Rosa”. Lekh boroita to khud apnnem borounk zai. Dusreamni boroilolo lekh porvangi ghetlea xivai apnnachea blogacher vo website-icher ghalcho nhoi ani ghatlo pasun zalear mull boroinnarachem (original author) nanv thuim dakhounchem, zaka mhunntat “attribution” – mhunnge mull boroinnaracho abhar prokott korop. Dusreachem bexttench ghonxttichem nhoi.

History can be interpreted but not rewritten. Coca Colache battlek Pepsichi gudd’di lailear ti Pepsi zainam. Sozmoloi tum?

Vevosta

Adim Sant Istev zunvear zaite ponev (canoes) astale. Zunvenkar apli vevosta doriantleanuch kortale. Marcelant than Tonkar rosto naslo. Khandolache dongurle voilean cholon vechem poddtalem. Khandolachi dongurli katrun Marcelant than Tonkar rosto kela. Magir caminhão haddle. Tar kaddun Tonkar/poltoddi vechem poddtalem. Caminhão Ponnje ani Moddganv vetale (thanks to our pioneer late Remedios Afonso bingttu).

Firgojechem iskol aslem taka mhunntale Mistrichem iskol. Thuim fokot Portuguez ani Konknni (Romi lipintlean) vachunk-borounk ani muzgaponn (solfegio) xikoitale.

Zunvear pul bandtoch zaitem boreponn zalem. Ganvant busi bhitor sorleo. Ponevani vevosta korpachem bond zalem. Kaim vorsam Bomboi than Goeam botti (steamers) ieunk lagleo. Teo auchit bond zaleo.

Adim lok Goenchea Saibachea novenak romari kaddun cholon vetalo Ramache tarivoilean. Komunheanvachea vo Krizmachea somoiar Bisp gazolinant Toitear ietalo. Porot taka gazolinant Ponnje pavoitale. 


Adim sogllem doriantleanuch ietalem.  Adim xetam-porsam korun apli vevosta kortale. Tea kallar tarvam/Gulf naslim. Jedna tarvam/Gulf suru zalim tedna xetam-porsam bond poddlim. Xetank-porsank sarem zunvear astalem. Zanv masllechem, urea, dukrachim lenddam, xenn, adi, adi. Atam sogllem bodol’lam. Atam amkam jem xenn disun ieta tem fokot montreanchea ani rajkarbareanchea tonddantlean bhair sorta tem.

Adim Zunvenkaranchim matiechim ghoram aslim ani Zunvenkaruch tim bandtale. Bhaile manaim haddi nasle. Xetam-porsam pasun Zunvenkaruch kortale eka-mekacho adhar gheun. Tea khatir adlo lok gorib asunui tankam khaunk-jeunk unnem asonaslem. Adim banvteram (pregnancies) Zunveanch zatalim ani partui (deliveries) Zunveanch zatale. Partak sohokar korunk kherit bailo (midwives) astaleo. Tea kallar partak bailank hospitalant vhoronasle – gharantuch bhurgeank zolmak haddit. Atam soglleam bailank partak hospitalani vhortat ani dotor asat te gorje-bhair caesarean formaitat duddu mellpa khatir. Normal delivery korit zalear tankam title duddu khaunk mellonant. Hem atam sogllem zalam ek orixtt money-making racket.

Times change, men change, things change.

Jackson Dias

Saturday, April 12, 2014

Suttieche Dis (Holidays)

Sov dis vaur korop ani ek dis visov ghevop, hem orombhak than asa. Jezuchea kallar sov dis vaur kortale ani ek dis visov ghetale, taka mhonntale sont (Sabbath day).

Iskolachea bhurgeank toxe tornatteank suttieche dis astat. Vhodd-vhodd munis voros bhor kam kortoch te suttieo (vacations) ghetat. Amchea purvozank visov gheunk mellonk nam. Gimam vaur kortale ani pavsantui vaur kortale. Te duent zalearuch visov gheunk melltalo.

Jedna ami visov ghetanv vo piknikek vetanv tedna chotrai dourunk zai. Bhurgeank doria lagim vochonk diunk favonam. Tornatti dongrancher hikingek vetat, voir than sokol poddonk xokta. Osleo ghoddneo ghoddtat. Soglleank visov gheunk zai – bhurgeank, tornatteank, mhatareank, soglleank. Vortoman potrancher ami vachtanv bhaile bhonvddekar Goeam ietat, veller pevunk vetat ani buddtat.

Vhoddilani bhurgeank zanv tornatteank zai toxem korunk diunk favonam. Tankam zababdari asa. Suttiechea disani tujean zai te bhaxen vell saruieta. Bhurgeank/tornatteank games/tournaments astat, thuim bhurgeank dhaddietat. Suttiechea disani kaim bhurgim pevunk (swimming) vetat pun avoi-bapain chotrai diunk zai.

Youth picnic asta thuim vell saruieta. Kaim tornattim follam (fruits) khaunk vetat – kannttam, chun’nam, kazu, ponnos, ambe, adi, adi. Jedna tum suttieche dis moujen sartai Aitarachem ek hor tunvem Devak bhettounk zai. Devachi amkam goroz.
                                                                                                              
Carran Monteiro

Monday, April 7, 2014

Hanv Baba Novro - Ulhas Buyão - with lyrics

An old favourite: Ulhas Buyão sings Hanv Baba Novro. This is the original version.



Hanv Baba Novro
Ulhas Buyao

Hanv baba novro, nanv mhojem Sazro
Poltoddi lognak vetam
Khoxecho vozro, tonddan hansro
Movalli vontthar gitam
Razacho jet mhozo, novlacho bhes ga
Motianchim bhuzar fintam

Hanv baba novro, nanv mhojem Sazro
Poltoddi lognak vetam
Khoxecho vozro, tonddan hansro
Movalli vontthar gitam

Sobit rupachi, vokol mogachi
Pixe tije laitat dolle
Fulunk axetat, lojen bavtat
Tolleantle sallka kolle
Parveanchem zoddem amchem sobtolem mattvant
Lokanche nodrek bhitam

Hanv baba novro, nanv mhojem Sazro
Poltoddi lognak vetam
Khoxecho vozro, tonddan hansro
Movalli vontthar gitam

Poltoddchea vaddear suvadi vazta, kallzachea kanant ule
Voklechea paieant bhangracheo gagreo
Lojen ga tambxe pole
Poltoddchea vaddear suvadi vazta, kallzachea kanant ule
Voklechea paieant bhangracheo gagreo
Lojen ga tambxe pole

Vol'loi ga tariea, atam begim paviea
Bottantli mudi ditam
Hanv baba novro, nanv mhojem Sazro
Hanv baba novro, nanv mhojem Sazro

Monday, March 31, 2014

Remmie Colaço sings Ankvar Moriechem Dukh

The late Remmie Colaço performs Ankvar Moriechem Dukh. Lyrics included. An appropriate song for the Lenten season.



Ankvar Moriechem Dukh
Remmie Colaço

Sonvsarant patki ami torui axetanv bhogunk sukh
Sonxinezo konnachean matxi pottak hea laglear bhukh
Zo konn bhulta hea sonvsarak patth korun tea sorgak,adharta vhoddli chuk
Kiteak upkarta sonvsar chintlear Ankvar Moriechem dukh?

Putak tichea marit vhelo dongrar tea Judevani
Tache patthlean apunn bhonvli roddon dukhani
Kitem bhoglem nam zait polloun putak toplolo tea bhaleani
Sangat oslem dukh sonvsarant bhoglam khuinchea maim-ani?

Kosoli chuk nastanam Jezuk kelo guneanvkari
Fafxili kudd tachi, marun rogtacheo keleo zhori
Sangat konn avoi sonxit dolleam mukhar putak aplea oxem korit tori
Punn hem sogllem dukh sonsun ravli eklich Ankvar Mori

Jezuchea khandar khuris diun voddit vhelo topun bhale
Udok pasun pieunk diunk nam, kosle vollvolle!
Jezuchim angostram pinzun Judevani bhognnar kele
Osle munis azun asat Dhonia ukodd tanche dolle

Konnak lagun Maien sonslem ani golloilin dukham?
Kiteak Jezu khursar melo sangchi goroz nam tumkam
Munis visorle Devak, bhulon hea sonvsarak
Chodd zalim munxeanchim patkam
Dekhun Jezu khursar melo salvar korunk amkam

Tea pasot aikat kaido amcho sogllea Kristanvancho
Sonvsarant asosor mog korunk Igroz Matecho
Niz ami Kristanv zaun choloiea rosto bhavartacho
Ani ghevuiea vantto Saibinnichea dukhincho

Tuesday, March 18, 2014

My Singers and I

Carran Monteiro
=================


Astria Fernandes, Jackson Dias and Carran Monteiro

=================


Astria Fernandes

=================

 Astria Fernandes

=================


Carran Monteiro

=================

Hanga Nit Nam


Hea Sant Istev Zunvear vhodd-vhodd monis jieun gele.

Poilo Goenkar mukhel nitidar (Chief Justice) Dr. Jose Maria dos Remedios (1825) ani nimanno Goenkar mukhel nitidar Dr. Alvaro Dias (1962). Ojeapanchi goxtt mhunllear te dogui Bhenddekar zaun asle!

Dr. Jose Maria dos Remedios-haka ganvcho mog aslo. Tannem Nossa Senhora dos Remedios Saibinnicho altar bhettoila. To ganv soddun vochop hachem karann mhunnlear tea tempar ganvant sovloti (facilities) nasleo zoxim mottoram ani gazolina. To nitidar mhunntoch taka vellar Ponnje pavunk zai aslo. Tea pasot to Santa Cruz ravtalo punn Bhag. Istevache porbek Zunveam jerul ietalo, tedna taka Capitao do Porto (Captain of Ports) boatini  haddtalo. Tea kallar Ponnjent urinals/toilets  sarke nasle. Bhongi seva kortale.

Dr. Alvaro Dias ho General Dr. Minguel Caetano-hacho put zaun aslo. To Zunveam kednach ravonk nam punn taka ganvcho mog aslo. To aplea ghorcheam sangatak Bhag. Istevache porbek ietalo ani Camisas Verdes Sports Clubacho souvenir ghetalo. Hea dogui nitidarani nitisobhent apli nit sarki kelea.

Somazant tankam man aslo. Zunvemkarancho porian khottlo (case) aslear te don panam kori nasle. Sarki nit kortale. Atam Sant Istev zunvear nit asa?

Sorgest  Prof. Dr. Olivinho  Gomes  hannem  comunidadi (ganvkari) voir pustok boroilam. To  Zunvenkarank  xikovnn diunk  sodtalo  punn  kednach pavonk  na. Hem  pustok   akhea  Goeam  comunidadini  pavlam. 

Hea vorsa Fevrerache 16ver Comunidadicho tis vorsancho porddo ugtto zalo. Fottekarani amcho ganv sambhall'lo punn atam konnem nisontton kelem?

Panchayatin Comunidadichea zagear imaroti bandunk porvangi dilea. Hanvem R.T.I.-hache khal mahiti magleli tedna Secretaran sanglelem porvangi diunk nam mhunn. Imarotichi file nam. Narkasuran apleak porvangi dilea ti nitisobhek dakhoilea?

Now you get ready for the show.

Jackson Dias